Umfjöllun um Kríurnar

Prentvæn útgáfa

14. febrúar 2012

Umfjöllun um Kríurnar var í Veftímariti um þróunarmál 8. febrúar sl. Sjá http://archive.constantcontact.com/fs049/1102056362425/archive/1109231389090.html

Styrktarsamningur Shadow Creatures og Kríanna

Prentvæn útgáfa

09. desember 2011

Shadow Creatures, ungt hönnunarfyrirtæki rekið af systrunum Eddu og Sólveigu Rögnu Guðmundsdætrum, hafa gert styrktarsamning við Kríurnar. Af hverri seldri flík rennur ákveðin upphæð til Kríanna. Sjá umfjöllun á visir.is: http://visir.is/apps/pbcs.dll/gallery?Site=XZ&Date=20111209&Category=LIFID01&ArtNo=120909998&Ref=PH

Þetta er ómetanlegur stuðningur við Kríurnar og þau verkefni sem Kríurnar styðja í Namibíu. Hingað til hafa Kríurnar hlotið styrk frá menntamálaráðuneytinu og UNIFEM  á Íslandi (nú UN Women) í tenglsum við komu Vicky Bam til Íslands í mars 2010 en Vicky er stofnandi og formaður Mother to Mother Support Group, sem lesa má um hér á síðunni (sjá stuðningsverkefni).

HIV smit breiðist nú hratt út meðal ungra kvennaí  Afríku og oftar en ekki berst smit móður til barns við fæðingu. Þó er hægt að gera ýmsar varúðarráðstafanir til að draga úr líkum á smiti og að þessarri fræðslu, ásamt fjölmörgu öðru, stendur Vicky fyrir í Namibíu. Vicky stóð fram opinberlega og greindi frá eigin smiti á alþjóðlegum baráttudegi kvenna 8. mars árið 2004 og var hún þá aðeins önnur konan í landinu sem hafði greint frá því á opinberum vettvangi að hún væri smituð. Það er í raun ótrúlegt að svo fáar konur (og karlar) greini frá smiti sínu í landi þar sem tíðni HIV-smit er einna hæst í heiminum.   

Konur og þróun - nokkrar staðreyndir

Prentvæn útgáfa

22. nóvember 2011

Kríurnar benda áhugasömum á eftirfarandi vefslóð þar sem settar eru fram upplýsingar um mismunandi aðstæður karla og kvenna í heiminum. Á skífuritunum kemur m.a. fram að konur þéna 10% launa sem greidd eru í heiminum, eiga 1% eigna á heimsvísu en vinna 66% allrar vinnu. Það er á grundvelli  slíkra upplýsinga sem Kríunar starfa með konum í fátækustu álfu heimsins: Afríku.

Upplýsingarnar á vefslóðinni eru frá UNDP (United Nations Development Program).

  http://graphics.thomsonreuters.com/RNGS/2011/OCT/POP6_BH.jpg

Kríurnar 2ja ára

Prentvæn útgáfa

28. september 2011

Tvö ár eru liðin síðan Kríurnar - þróunarsamtök í þágu kvenna voru stofnuð. Í tilefni afmælisins hafa samtökin fengið til liðs við sig listakonuna Fitore Berisha sem mun hanna ný gjafakort sem notuð verða í fjáröflunarstarfi Kríanna. Kortin verða kynnt á haustmánuðum 2011.

 

Áheitasöfnun

Prentvæn útgáfa

23. júní 2011

Hægt verður að heita á Kríurnar í komandi Reykjavíkurmaraþoni líkt og í fyrra en hlaupið fer fram 20. ágúst nk. Þegar nær dregur verður hægt að skrá sig í hlaupið og jafnframt er hægt að hlaupa fyrir góðgerðarsamtök líkt og Kríurnar. Síðan er hægt að heita á hlauparana á vefnum hlaupastyrkur.is.  

Kríurnar hvetja alla þá sem vilja styðja við bakið á HIV-smituðum mæðrum í Namibíu að hlaupa fyrir/heita á Kríurnar. Í lok ársins mun afrakstur áheitasöfnunarinnar, ásamt því sem safnaðist í fyrra, verða afhent formanni og stofnanda Mother to Mother Support Group, Vicky Bam. Vicky hefur staðið fyrir fræðslu og stuðningi við HIV-smitaðar mæður í Namibíu síðan 2005 með góðum árangri. Vicky Bam kom til Íslands í mars 2010 á vegum Kríanna, með stuðningi frá UNIFEM áÍslandi (nú UN Women) og hélt opinn fyrirlestur um aðstæður HIV-smitaðra í Namibíu. Namibía er eitt af þeim löndum sem skipa sér á lista þeirra landa sem hafa hvað hæsta tíðni HIV-smitaðra í heiminum.

Fleiri greinar...